Шестгодишно дете напиша писмо до компанијата „Фајзер“: „Може ли да испратите вакцини на Северниот пол за Дедо Мраз и џуџињата?“

Шестгодишно момче од Ирска, Калум Торнхил, откако слушна дека компанијата „Фајзер“ произведува вакцина против коронавирус, напиша писмо до компанијата каде објасни дека Дедо Мраз мора да биде приоритет во вакцинацијата.

Неговата мајка Пола Линехан изјави дека нејзиниот син слушнал за вакцината на радио на почетокот на ноември, додека тие возеле со автомобил на пат кон училиште. Кога тој ден се врати од училиште, тој напиша писмо и по тој повод му честиташе на Фајзер за ова достигнување.

"Почитуван Фајзер, слушнав дека направивте нова вакцина против коронавирус. Честитки", напишал шестгодишниот Торнхил.

По воведниот дел, момчето преминло на конкретни барања.

"Може ли да испратите вакцини на Северниот пол за Дедо Мраз и неговите џуџиња? Ве молим, сакаме да го спасиме Божиќ и да ги израдуваме сите деца", напишало момчето.

Неколку недели подоцна, Калум добил одговор од извршниот директор на „Фајзер“, Алберт Бурл, кој бил воодушевен од желбата на момчето.

„Ваквите писма ни даваат надеж и нè потсетуваат зошто работата што ја работиме секој ден е толку важна“, напиша г-дин Бурла.

Потоа Калуму напиша одговор.

"Сакам да знаете дека правиме се што можеме за да им помогнеме на луѓето ширум светот. Секако, ќе се погрижиме и за Дедо Мраз и неговите џуџиња", одговорил Борл.

Европската унија ја одобри вакцината на Фајзер-Бајонтек во понеделникот, а земјите-членки очекуваат следната недела да ја добијат првата серија вакцини.