Шест новозаразени лица со коронавирус во Куманово
Центарот за јавно здравје Куманово во последниве 24 часа евидентира шест новозаболени лица од Ковид – 19. Новозаболените се од Куманово, соопштија денеска надлежните од јавната здравствена установа. Оздравени се двајца пациенти.
– Поголем дел од новозаболените веќе имале контакти со претходно потврдени позитивни од нивни семејства, изјави директорот на Центарот, д-р Ариф Љатифи.
Извршени се 55 тестирања за Ковид-19, од кои 18 по МојТермин и 37 контролни тестови.
Од почетокот на пандемијата, Ковид дијагностицирани во Центарот за јавно здравје Куманово се 991 пациенти, од кои, во моментов активни се 284 случаи.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
