Се шири стравичен предизвик меѓу тинејџерите на ТикТок, внимавајте на децата

„SKULL-BREAKER“ е предизвик кој се шири со брзина на светлината на социјалната мрежа ТикТок. Меѓутоа, исклучително е опасен и родителите со причина се загрижени.

Според видеата кои се споделуваат на интернет, предизвикот бара три лица да застанат пред камера. Двајцата кои стојат од страните скокаат во исто време, а потоа им се приклучува и третиот човек кој е потребно при скок да биде удрен во нозете, за да ја загуби рамнотежата и да падне.

При ова паѓање најчесто се појавуваат повреди на главата, па оттука потекнува и името на предизвикот Skull-Breaker.

Многу деца, воглавно во тинејџерски години, после впуштањето во овој предизвик биле хоспитализирани, па паниката се шири на социјалните мрежи. 

Една мајка на Фејсбук зборувала за последиците кои овој предизвик ги предизвикал кај нејзиниот син. Момчето при падот на грб и глава, ја загубило свеста. Пренесено било во болница каде завршило на шиење, дијагностицирана му е повреда на главата и загубило два предни заба.

 

Потребно е со децата отворено да се зборува и да им се објасни да не наседнуваат на виралните предизвици кои можат да завршат трагично, советуваат експертите.

 

 

 

Добивајте вести на Viber

22.02.2020 - 12:47

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега