Се рабуди најголемиот активен вулкан во Европа: Етна исфрла лава и пепел до 100 метри во височина (ВИДЕО)

Се разбуди најголемиот и највисок активен вулкан во Европа, Етна, објавија италијанските медиуми. Лавата од Етна еруптираше во два крака, по што првата се упати кон долината Бове, а втората се излеа во северниот дел на кратерот на вулканот.

Ерупцијата на лавата, проследена со облак пепел, кој достигна висина од неколку стотици метри, беше спектакуларна, изјавија очевидци, пишува британски Експрес.

Вулканската пепел ги покри автомобилите во селата на Сицилија, откако југоисточниот кратер на вулканот исфрли вжарена лава.

Локалните власти известија дека црн пепел е пронајден и на места на дваесетина километри од Етна.

Ерупцијата беше видлива и од градот Таормина, оддалечен педесетина километри.

Експрес потсетува дека на Бадник 2018 година, поради ерупцијата на Етна, во прекин беше воздушниот сообраќај, и дека четири дена после тоа, земјотрес со јачина од 4,9 степени, со епицентар во близина на градот Катанија, го потресе островот. Тогаш, четири лица беа повредени, а неколку згради беа оштетени.

Првиот запишан доказ за ерупцијата на Етна, вулкан висок 3.300 метри, датира од 425 година п.н.е., и иако ерупциите се чести, тие ретко предизвикуваат голема штета.

 

 

 

Добивајте вести на Viber

20.01.2021 - 08:25

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега