СДСМ: Состојбата со коронавирусот е многу сериозна, сите без исклучок мора строго да ги почитуваме мерките
Бројката на новозаразени со корнавирусот во цела Европа, во земјите од регионот и кај нас, континуирано расте во есенскиот бран на пандемијата, велат од владејачката партија откако вчера во земјава беа прујавени рекордни 445 новозаразени, но и 9 починати.
Од партијата порачуваат дека најдобра и најефикасна заштита на личното и јавното здравје е почитувањето на ковид протоколите, носењето маска, одржување дистанца и редовна дезинфекција.
„Не смееме да дозволиме нашиот здравствен систем да не биде во состојба да му овозможи нега секому кому му е тоа потребно затоа што капацитетите се искористени“, се наведува во соопштението.
Во него се потсетува и дека заради поголема заштита на јавното здравје, Владата усвои нови мерки кои ќе стапат на сила откако ќе се усвојат законските измени во Собранието.
„Состојбата со коронавирусот е многу сериозна, а во која насока ќе одиме и колку брзо ќе се стабилизира овој удар на вирусот, зависи од однесувањето на граѓаните и почитувањето на сите мерки и протоколи“, порачуваат од СДСМ додавајќи дека носењето маска, одржувањето дистанца и редовната дезинфекција, се клучните три работи кои треба да ги почируваат граѓаните како превентивни мерки.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа