СДСМ: Славески не закажува вонредна седница на Советот на Град Скопје за помош на семејствата на настраданите во несреќата во Бугарија
„Советничката група на СДСМ на коалицијата и ДУИ во Град Скопје вчера поднесе иницијатива за свикување на вонредна седница на Советот на која треба да се усвои предлогот за финансиска помош за семејствата на настраданите во несреќата што се случи во Бугарија. До овој момент, претседателот на Советот, Трајко Славески од ВМРО-ДПМНЕ се уште не се изјаснил по однос на иницијативата и не закажал седница што е незабалежано во праксата.“, реагираат преку пратиско соопштение од владејачката СДСМ.
„Претседателот на Советот мора да закаже вонредна седница на која прво ќе се гласа за оправданоста на итноста, а откако ќе се утврди оправданоста Советот ќе гласа по однос на точките од днневниот ред.
Барањето за вонредна седница на Советот е од единствена причина, што побрзо да им се помогне на семејствата на жртвите и да не се чека редовната седница на Советот, затоа што нема потреба за такво нешто.
Но очигледно дека Славески не наоѓа разбирање за ситуацијата или пак свесно калкулира, па денеска цел ден молчи и не закажува вонредна Седница на Советот на Град Скопје“, се додава во соопштението на партијата.
26.11.2021 - 14:53
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
