СДСМ: Колку чинење пропаднатиот митинг на ВМРО-ДПМНЕ?
Владејачката СДСМ го оцени вчерашниот протест за промени на ВМРО-ДПМНЕ за пропаднат. Според проценките кои ги објави партијата, на протестот имало околу 15.000 луѓе.
-Дебаклот на ВМРО-ДПМНЕ, односно неуспешноста на вчерашниот митинг на Христијан Мицкоски упати јасна порака дека граѓаните не се за деструкции и блокади и не сакаат предвремени избори.
Но колку чинеше дебаклот на ВМОР-ДПМНЕ? Математиката е едноставна. На митингот имаше присутни околу 15.000 членови и симпатизери на ВМРО-ДПМНЕ, но партијата сигурно планирала повеќе и ангажирала превоз и останати потреби за околу 20.000 членови. Превоз за 20.000 членови чини околу 200.000 евра. Ако на тоа се додадат и останати трошици за нив, вода, сок, сендвич, бина, озвучување, струја и се друго потребно, сумата е значително поголема. Дали пропаднатиот митинг на ВМРО-ДПМНЕ ја надмина сумата од 300.000 евра?, се вели во дописот од СДСМ.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа