СДСМ: Ја зголемивме пензјата за 826 денари за две години

СДСМ денеска со соопштение до јавноста кое ви го пренесуваме целосно.

Невидено лицемерие е токму ВМРО – ДПМНЕ, партијата која со своето расипничко и криминално владеење со години им го кратеше она кое што законски им следуваше на пензионерите, денес да зборува за усогласување на ензиите.

Со своето неодговорно и криминално владеење, ВМРО ДПМНЕ остави долг од 15 милијарди денари, а денес лаже и манипулира.

Ако некој ги кратеше пензиите тоа беше ВМРО-ДПМНЕ која правеше усогласувања надвор од законската рамка и не им го исплаќаше целото покачување на пензионерите кое им следуваше со закон.

За разлика од таквиот однос на ВМРО-ДПМНЕ денес Владата предводена од СДСМ со новата пензиска реформа обезбедува редовни и повисоки пензии за сегашните и идни пензионери.

Ако кон крајот на 2016 година просечната пензија била 13.754 денари, а во март 2019, во време на Владата на СДСМ, просечната пензија изнесува 14.580 денари.

Тоа е јасен факт, пензиите растат, просечната пензија е повисока за 826 денари.

Денес, усогласувањето на пензиите се прави два пати годишно и тоа 100 отсто со порастот на трошоците на живот, наместо само 50 отсто како што беше претходно. Со новото законско решение се воведе и дополнително усогласување на пензиите ако бруто домашниот производ во претходната година има реален пораст над 4 отсто.

Владата предводена од СДСМ продолжува со спроведување на мерките што обезбедуваат повисоки пензии, повеќе пари и повисок животен стандард за сите граѓани.

ЦЕНТАР ЗА КОМУНИКАЦИИ СО ЈАВНОСТА НА СОЦИЈАЛДЕМОКРАТСКИ СОЈУЗ НА МАКЕДОНИЈА

 

 

 

Добивајте вести на Viber

15.05.2019 - 17:19

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа