САД: Успеавме - Русија нема пристап до високата технологија

Заедничките напори на Европската унија и САД да го ограничат пристапот на Русија до високата технологија поради нејзината војна против Украина, успеаја во голем обем, изјави денеска американската министерка за трговија Џина Рајмондо.

По враќањето од состанокот на трговските и технолошките совети ЕУ-САД во близина на Париз, таа рече дека санкциите кон Русија „имаат силен и значаен ефект“ и дека на таа земја извозот и е намален за 80 отсто од февруари.

– Во суштина, ние престанавме да испраќаме високотехнолошки производи во Русија, кои им се потребни за нивната војска, рече Рајмондо.

Претставниците на Комисијата на ЕУ и администрацијата на Бајден се согласија дополнително да ги координираат своите активности „со цел да се ублажат негативните ефекти“ од руската војна во Украина врз глобалната економија.

17.05.2022 - 22:00

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа