САД се повлекува од Советот на ОН за човекови права:„Таа организација не е достојна за своето име”

 

Американската амбасадорка при ОН, Ники Хејли, соопшти дека САД се повлекуваат од Советот на обединети нации за човекови права додавајќи дека таа организација “не е достојна за своето име”.

Објавувајќи го повлекувањето во Стејт департментот заедно со државниот секретар Мајк Помпео, Хели рече дека Вашингтон се одлучил на тој чекор бидејќи другите земји немале храброст да се приклучат на американската борба за реформирање на “лицемерното тело кое служи само на себе.”

“Правејќи го овој чекор, сакам да биде кристално јасно дека тоа не значи повлекување од нашето ангажирање во врска со човековите права”, додаде Хејли.

Американската амбасадорка подсети дека пред година дена јасно ставила до знаење дека САД ќе останат во Советот на ОН само доколку се спроведат суштински реформи.

 

 

 

 

20.06.2018 - 08:19

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа