САД одобри нова помош за Украина: Зеленски ќе добие 400 милиони долари
Соединетите Американски Држави одобрија дополнителна воена помош од 400 милиони долари за Украина, која ќе вклучува оружје, муниција и опрема за воздушна одбрана, изјави американскиот државен секретар Ентони Блинкен.
Артилериската муниција, ракетите за противвоздушна одбрана и тактичките возила што ги испраќаме најдобро ќе ѝ служат на Украина на бојното поле, рече Блинкен, пренесе Ројтерс.
Претседателот Џозеф Бајден изјави дека очекува американската помош за Украина да продолжи без прекин, и покрај скептицизмот на републиканците.
Администрацијата на Бајден досега има обезбедено воена помош од 19,7 милијарди долари за Украина, потсетува британската агенција.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
