Русија: Нема да бараме екстрадација за сите кои ја напуштија земјата

Руското Министерство за одбрана соопшти дека нема да бара екстрадиција од странски влади за илјадниците руски државјани што ја напуштаат земјата во обид да избегнат мобилизација поради војната во Украина.

„Во рамките на делумната мобилизација руското Министерство за одбрана не испрати, не подготви и нема да испрати барања до Казахстан, Грузија и други земји во врска со можното присилно враќање во Русија на руските државјани што се на нивна територија“, се наведува во соопштението.

По објавата за делумна воена мобилизација на резервисти, десетици илјади военоспособни Руси избегаа во странство, најмногу во поранешните советски републики, Централна Азија и во регионот на Кавказ.