Републиканците одбија да формираат коалиција со Макрон

 

Француската конзервативна партија Републиканци денеска ја отфрли можноста за формирање коалиција или договор за соработка со центристичкиот табор на претседателот Емануел Макрон.

„Овој став е речиси едногласен“, изјави лидерот на партијата Кристијан Жакоб за новинарите, пренесува „Ројтерс“.

Коалицијата „Заедно“ на претседателот Емануел Макрон освои 38,48 отсто од гласовите или 245 места во Собранието, покажуваат резултатите од вториот круг од парламентарните избори во Франција.

Левичарската коалиција НУПЕС на Жан-Лук Меланшон освои 131 место, „Националниот собир“ на Марин Ле Пен 89 места, додека Републиканците освоија 61 место.

Според податоците на француското МВР, излезноста на вчерашните избори била 46,23 отсто, што значи дека рекорден број гласачи биле воздржани, дури 53,77 отсто.

20.06.2022 - 19:02

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега