Расте бројот на заразени на крузерот „Дајмонд принцес“, нови 67 се позитивни

Уште 67 лица на крузерот „Дајмонд принцес“, вкотвен во близина на јапонското пристаниште Јокохама, се позитивни на новиот коронавирус, соопшти денеска јапонскиот министер за здравство, Кацунобу Като.

Со тоа бројот на заразени на бродот, на кој има околу 3.700 патници и членови на екипажот, се зголеми на 286 лица.

Крузерот е во карантин од 4 февруари, откако беше откриено дека патник, кој слезе од бродот во Хонг Конг, бил заразен со новиот коронавирус.

Претходно, Стејт департментот соопшти дека ќе ги евакуира околу 380 Американци од крузерот „Дајмонд принцес“, откако ќе биде укинат карантинот на 19 февруари.

 

 

 

Добивајте вести на Viber

15.02.2020 - 14:15

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега