Прв комерцијален лет меѓу Дамаск и Алепо по осум години

Сириски патнички авион од Дамаск денеска слета во Алепо, што е првиот комерцијален лет меѓу двата најголеми градови во Сирија од 2012 година.

Летот, во кој биле сириски функционери и новинари, е значаен симбол дека Владата на претседателот Башар ал Асад, со поддршка на руската армија, ја консолидира контролата врз северозападната провинција Алепо и ги зазеле последните делови од стратешкиот автопат што ги поврзува градовите Алепо и Дамаск, коментираат светските агенции.

Автопатот, на кој се вршат поправки, како што е најавено, ќе биде отворен за неколку дена, за прв пат по осум години.

Владините сили во последните неколку недели спроведоа голема офанзива за да ја вратат контролата врз провинцијата Алепо и делови од соседната провинција Идлиб, последните упоришта на бунтовниците во земјата.

Жестоките борби на повеќе фронтови го предизвикаа најголемиот бегалски бран во деветгодишната граѓанска војна, а речиси еден милион тргнаа кон границата со Турција.

 

 

 

Добивајте вести на Viber

19.02.2020 - 22:34

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега