Пронајдени мртви: Заврши потрагата по младата брачна двојка и уште две лица кои беа исчезнати

Во автомобилот кој бил повлечен од надојдената река, претпладнево беа пронајдени телата на четворицата исчезнати на грчкиот остров Крит, по речиси 35 часа потрага, јави дописничката на МИА од Атина.

-Во коритото на реката Геропотамис во општина Ираклио на Крит, беа пронајдени во нивниот автомобил, четворицата исчезнати и во тек е нивно извлекување, соопштуваат од грчката противпожарна служба.

Во потрагата беа вклучени и нуркачи, а возилото било откриено во дел што бил покриен со трски, кал и вода.

Според локалните медиуми од островот, во автомобилот се наоѓала млада брачна двојка, сестрата на сопругата и нивната мајка, а во саботата по полноќ се враќале од свадба.

Поради лошите временски услови и поројниот дожд реката покрај патот била надојдена и веројатно го повлекла возилото.

 

 

 

Добивајте вести на Viber

18.02.2019 - 14:34

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега