Продолжува чистењето на двете страни од коритото на Вардар

Екипи на Град Скопје и на Јавното претпријатие „Улици и патишта“ ги продолжуваат активностите за чистење на коритото на реката Вардар.

На потегот од булеварот „8. Септември“ до мостот „Гоце Делчев“, од двете страни на реката, деновиве машински се коси ниската и високата вегетација, а се отстранува и наталожената мил и песокот од коритото на Вардар.

Градските власти информираат дека се чистат и камењата на косините, како и фугите меѓу камењата. Таму каде што има потреба фугите се затвораат со цементен малтер.

Чистењето и уредувањето на кејот на реката Вардар ќе продолжи и во наредниот период, а во акцијата се вклучени и јавните претпријатија „Комунална хигиена“ и „Паркови и зеленило“. 

 

 

 

09.08.2018 - 11:34
Фото: 
Град Скопје

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега