Притвор за 26-годишен дилер на дрога од Велес
Основниот суд Велес по барање од Јавното обвинителство одреди 30-дневен притвор за 26-годишен велешанец кој дилал дрога.
-Осомничениот во својот дом неовластено заради продажба држел наркотична дрога – марихуана во количина од 1229 грама сместена во 4 стаклени тегли и наркотична дрога – хашиш во количина од 1.04 грама спакувана во едно полиетиленско пакување. Дрогата е пронајдена и одземена при вршење претрес од овластени полициски службеници врз основа на Наредба донесена од судија на претходна постапка, велат од Јавното обвинителство.
Оваа мерка е побарана поради основан страв дека осомничениот може да се даде во бегство или со влијание врз сведоци да ја попречува истражната постапка.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа