Прекрасен гест: Улица во Србија ќе го носи името Тоше Проески

Кога ќе прошетате низ  општина Панчево, ќе наидете на една многу посебна улица.

Улица во селото Јабука ќе го носи името на славниот македонски пејач Тодор Тоше Проески.

Српските медиуми пишуваат дека  12 години откако почина во сообраќајна несреќа кај Нова Градишка во Хрватска, ќе добие своја улица.

– Ова е прва улица во Србија која го добила името по маестро од Крушево, Македонија, пишува порталот „013 инфо“.

Предлогот улицата да го носи името на Тоше е испратена до Градското собрание на Панчево, кое треба да го донесе решението наскоро.

Не е случајно што улицата Тоше Проески ќе се наоѓа во Јабука. Имено, во ова село живеат голем број Македонци кои на посебен начин сакаат да му оддадат почит на нивниот познат сонародник, пишуваат српските медиуми.

 

 

 

Добивајте вести на Viber

19.11.2019 - 12:19

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега