Министерот за економија, Бесар Дурмиши, денеска соопшти дека минималната плата во Македонија се зголемува за 1.667 денари во нето износ. Со ова усогласување, најниската плата што работниците ќе ја добиваат на своите сметки изнесува 26.046 денари.
Според официјалните податоци, бруто износот на минималната плата за 2026 година ќе изнесува 38.507 денари, што е пораст од 2.470 денари во споредба со минатата година. Министерот појасни дека ова зголемување се должи на законската формула која ги следи трошоците за живот и порастот на просечната плата.
„Усогласувањето се врши секоја година во март врз основа на јасно утврдена формула: 50% од порастот на просечната нето плата и 50% од порастот на трошоците за живот“, изјави Дурмиши. За оваа пресметка земен е предвид порастот на просечната плата од 9,6% и инфлацијата (индексот на трошоци) од 4,1%.