После сончевото време очекувајте промена - студен бран во Македонија

До крајот на денов времето во државава ќе биде сончево и релативно топло за овој дел од годината, а ќе има и мала локална облачност. Ќе дува слаб ветер од јужен правец, максималните дневни температури ќе се искачуваат во интервалот од 10 до 17 степени. Претежно сончево време ќе имаме и утре, ќе дува слаб до умерен ветер од северен правец кој на некои места ќе засилува на интензитет. Максималните дневни температури ќе се искачуваат во интервалот од 12 до 19 степени, кажа во Утрински брифинг, метеорологот Славчо Попоски.

Во среда во текот на денот облачноста ќе се зголемува и особено во вечерните и ноќните часови кон четврток ќе има повремен локален дожд и снег на планините, особено во западните предели.

Во четврток пак нашата територија ќе биде зафатена од влажен и постуден воздушен бран од север. Времето ќе биде облачно со врнежи од дожд на ниските и од снег на повисоките места и на планините каде ќе дојде до формирање на нова и зголемување на веќе постоечката снежна покривка. Снежната граница има услови да се спушти и на помала надморска височина, особено во западните и во северните предели од државава. Ќе дува умерен до засилен ветер од северен правец.

 

Максималните дневни температури на воздухот во четврток ќе се искачуваат во интервалот само од 2 до 10 степени. Потоа од петок следува нова стабилизација на времето и постепен пораст на температурите на воздухот.

 

 

 

Добивајте вести на Viber

17.02.2020 - 09:45

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега