Поплавени улици и парализиран сообраќај во Њу Орлеанс- најавени нови врнежи

Тропска бура со поројни дождови предизвика поплави на голем број улици, при што е парализиран сообраќајот во Њу Орлеанс, а метереолозите најавуваат нови врнежи.

Градоначалничката на Њу Орлеанс, Латоја Кантрел изјави дека за три часа во градот паднале 21,3 сантиметри дожд и прогласи вонредна состојба.

Локалните власти ги предупредија граѓаните да останат во своите домови, да проверат дали имаат намирници за следните три дена и дали се чисти канализациските системи.

Предупредено е и дека водостојот на реката Мисисипи би можел да се зголеми до 6,1 метар.

Поплави го зафатија и јужниот дел на Луизијана, каде долж реките се поставуваат кеси со песок.

Во опасност е и Тексас, каде се мобилизирани неколку служби поради поројниот дожд што се очекува.

 

 

 

Добивајте вести на Viber

11.07.2019 - 08:47

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега