Полицијата уапси битолчанец – пронајдени калашников и пиштол во неговиот автомобил
Полицијата уапси 41-годишен жител на битолското село Жабени откако во неговиот автомобил биле пронајдени оружје и муниција.
-При преглед на патничко возило "ауди", кое го управувал, бил пронајден пиштол "црвена застава" и рамка со 5 куршуми за истиот, а за кои не поседува соодветна дозвола за оружје. Врз основа на Наредба издадена од судија на претходна постапка од Основен суд Битола извршен е и претрес во неговиот дом, при што е пронајдена автоматска пушка, една рамка и 15 куршуми за кои, исто така, не поседувал дозвола. Б.Б.е приведен во полициска станица, а за случајот е известен Јавен обвинител, велат од МВР.
По документирање на случајот против него ќе биде поднесен соодветен поднесок.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа