Покрај езеро близу Приштина пронајден мртов сведок на Хаг против УЧК

Сведокот на Специјалното обвинителство во Хаг за воените злосторства на УЧК на Косово, Фадиј Сијевиќ е пронајден мртов во ридовите над езерото Бадовац, близу Приштина, јавуваат косовските медиуми.

Фадиј наводно командувал со затворот во близина на Матикан каде што затворени биле околу 300 Срби.

Веста за неговата смрт ја потврди портпаролот на косовската полиција Бајрам Красниќи.

- Денес, на 15 јануари 2021 година, нешто по 14:00 часот, полицијата беше известена за инцидентот што се случил на патот што води кон езерото Бадовац, со сомневање дека лицето нема знаци на живот. Полицијата веднаш излегла на местото на настанот, контактирала со членовите на семејството на тоа лице и ги повикала државниот обвинител и екипите за итна медицинска помош - рече Красниќи.

Според него, истражните и форензичките екипи вршат увид на местото на настанот.

- На местото на настанот, лекарите утврдија дека телото на жртвата е мртво. Жртвата е: Ф.С., маж. Истражните органи и форензичките екипи продолжуваат да ја следат страницата. Навремено ќе ве информираме за новите информации - изјави Красниќи за „Газета експрес“.

Сиjeевиќ е поранешен член на Косовската полиција, а според косовските медуми бил сведок во Хаг за воени злосторства кои ги спровела расформираната УЧК на Косово.