По втор пат е најбрз - Светиот крст во Гевгелија го фати Љупчо Трајков

 Најсреќен меѓу дваесетината млади момчиња кои во осветената вода на реката Вардар се пуштија по чесниот крст на денешниот Богојавленски собор во Гевгелија беше триесетгодишниот гевгеличанец Љупчо Трајков.

Во присуство на две до три илјади граѓани и гости од странство, Љупчо успеа прв да се дофати до чесниот крст.

– Многу сум среќен што и годинава, како и лани, повторно ми се посреќи да го фатам чесниот крст. Мојата голема радост и вербата во бога, со светиот крст ќе ги пренесам во сите христијански домови во Гевгелија, рече Трајков.

Градоначалникот Сашо Поцков на фаќачот на чесниот крст му подари лаптоп и му посака многу здравје и среќа во животот, а фармацевтската куќа Зегин на гевгелискиот славодобитник му подари телевизор.

Од свештените лица Љупчо Трајков доби благослов да ги посети сите христијански домови со светиот крст и поздравот „Бог се јави“.

 

 

 

Добивајте вести на Viber

19.01.2020 - 14:07

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега