По четири дена, сѐ уште не функционираат веб-страниците на МОН и МЗ - полицијата го истражува хакерскиот напад врз ДИК
Откако во четвртокот вечерта беа хакирани, веб-страниците на Министерството за здравство и Министерството за образование и наука сѐ уште не се вратени во функција.
На МОН е хакирана само веб-страницата, додека на МЗ и службениот мејл.
Кој, како и зошто ги нападнал интернет гласилата на овие две министерства, полицијата сѐ уште истражува, дознава Алсат-М.
„Што се однесува пак, до нападите на веб страните на Министерството за здравство и Министерството за образование и наука, Ве известуваме дека веднаш по добивање на пријавите се преземаат мерки за расчистување на случаите“, велат од МВР.
Паралелно со истрагата на полицијата, ситуацијата ја следи и обвинителството.
„Јавното обвинителство внимателно ги следи сите информации во врска со овој предмет, но и со останатите пријави за упади во веб страници на државни институции и доколку бидат утврдени елементи на кривично дело, ќе постапи согласно своите надлежности“, велат од Обвинителството.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа