Петров: ВРМО-ДПМНЕ го кочи Законот за минимална плата и не се оградува од насилството

Политичката функција не треба да претставува личен успех, туку за мене тоа е начин како да се донесат позитивните промени во државата, порача потпретседателот Коста Петров во синоќешното гостување во емисијата „200“ на Телевизија Алсат.
Запрашан за мотивите за вклучување во политиката, Петров истакна дека неговиот мотив за влез во политиката биле настаните од 27 април во Собранието.
- Си реков дека не сакам да живеам во држава каде се случуваат вакви работи, посочи Петров, додавајќи дека се до денес за жал ВМРО-ДПМНЕ се уште се нема оградено од овој настан.
Петров се осврна и на политичкото делување на СДСМ но и на останатите партии, потенцирајќи дека сите мора да изградат консензус за прашањата што се во интерес на сите граѓани.
- Ако сакаме да покажеме политичка зрелост, треба сите партии да застанеме зад прашањата што се во интерес на сите граѓани, како што се чистиот воздух, ЕУ, НАТО, зголемувањето на минималната плата. За жал гледаме деновиве дека тоа не е случај со ВМРО-ДПМНЕ. Оваа партија во Собранието го кочи Законот за минимална плата, а од него придобивка имаат сите граѓани, порача потпретседателот Петров.

 

 

 

Добивајте вести на Viber

13.11.2019 - 09:52

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега