Песков: Заробените Американци ќе одговараат за злосторствата

 

Русите заробија двајца Американци во Украина, ги „загрозувале“ руските војници и би требало да бидат „одговорни за тие злосторства“.

Ова го изјави портпаролот на Кремљ – Дмитриј Песков во интервју за „Ен-би-си њуз“.

Официјален Кремљ првпат ги коментираше случаите на Александер Друке и Енди Хујнх – американски воени ветерани, наведува „Ен-би-си“.

„Тие се платеници и беа вклучени во нелегални активности на територијата на Украина. Учествуваа при пукање и гранатирање на нашиот воен персонал. Ги загрозија нивните животи. Би требало да одговараат за тие злосторства што ги извршија. Тие злосторства мора да се истражат“ – вели Песков.

Кога доби прашање какви злосторства извршиле, тој признал дека нивните конкретни дела сè уште не се познати, но според неговите зборови, нема да бидат опфатени со Женевските конвенции за постапување со воени заробеници.

„Тие не се во украинската војска, па не подлежат на Женевските конвенции“ – одговори Песков.

21.06.2022 - 09:24

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега