Откриена причината зошто Зидан го напушти Реал

 

Зинедин Зидан се повлече од тренерската функција на Реал Мадрид поради конфликт со претседателот на клубот Флорентино Перез, објави „Мирор“.

Според британскиот весник, францускиот фудбалски стручњак и првиот човек на клубот не можеле да се договорат за целите во претстојниот трансфер период.

Зидан сакал да го засили составот со купување на Еден Азар од Челзи, но Перез одбил да го донесе Белгиецот.

Во исто време, претседателот на клубот сакал да го ангажира голманот на Манчестер Јунајтед Давид де Геа, а тренерот инсистирал и понатаму прва опција на голманската позиција да биде Кејлор Навас.

Зидан го предводеше Реал од јануари 2016 до мај оваа година. За ова време „Кралскиот клуб“ освои девет трофеи, вклучувајќи и три во Лигата на шампионите.

 

 

 

05.06.2018 - 09:02

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа