Охриѓанка измамена од неготинка
Охриѓанка вчера пријавила измама од неготинка, информираше денеска портпаролот на СВР Велес, Верољуб Додевски.
– Вчера во 13.30 часот во Полициската станица Неготино, Б.М.(41) од Охрид пријавила дека била измамена од С.В. од Неготино. Според пријавеното, С.В. ѝ ветила дека ќе посредува за работа во странство и дека ќе и исплаќа договорена сума на пари кои ќе ги зема од странскиот работодавач, но, по три месеци работа ништо не ѝ било исплатено, појасни Додевски.
Тој додаде дека се работи на расчистување на случајот.
07.10.2020 - 11:41
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
