Одлука која наиде на критики - Оваа земја ќе ја укине забраната за пушење во угостителски објекти

 

Коалициските партнери во новата австриска Влада што треба да биде формирана до 20 декември, Австриската народна партија (ОВП) и Партијата на слободата на Австрија (ФПО), денеска ги потврдија нивните намери за „укинување на апсолутната забрана за пушење во угостителските објекти“. 

Новата верзија на забраната треба да стапи во сила во мај следната година, а со неа посетителите на растораните и кафулињата ќе можат да пушат во делови од објектите, што ќе бидат наменети за таа цел. 

За лицата помлади од 18 години се уште ќе важи забраната за пушење на јавни места и ним нема да биде дозволено присуство во деловите каде ќе се пуши. 

ОВП и ФПО ќе го усвојат т.н. „Берлински модел“, според кој, во принцип пушењето е забрането со исклучок на специјално одредени и целосно одделени простории, кои се служат само пијалаци и се помали од 75 метри квадратни. 

Одлуката наиде на остри критики од страна на лекарите и противниците на пушењето цигари.

 

 

 

11.12.2017 - 23:31

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа