Од Русија тврдат: Успешно развивме имунитет кај населението, сега имаме мала стапка на заразени

Русија разви имунитет на коронавирусот и во споредба со другите држави има ниска стапка на заразата, изјави шефицата на руската Федерална служба за надзор и заштита на правата на потрошувачите и доброто на луѓето, Ана Попова.

„Нашата економија функционира, сите индустрии функционираат, ние научивме да работиме и развивме имунитет на населението и релативно ниска стапка на зараза во споредба со другите“, рекла Попова за време на сесијата со водечките епидемиолози и виролози, пренесува Тасс.

Таа рекла дека Русија во моментов е на 60. место во светот по бројот на заразени на 100.000 жители.