Од 1. ноември билет за едно возење во градскиот превоз во Скопје

 Од 1 ноември ќе може да се купи билет за едно возење во автобусите на ЈСП и приватните првозници во Скопје. Цената, според одлуката на Советот на Град Скопје донесена денеска, ќе изнесува 50 денари.

Станува збор за хартиен билет кој треба да ја пополни празнината која настана со воведување на картичката „Скопска“ на оние кои користат јавен превоз ретко, а особено на туристите.

– Картичката „Скопска“ може да се надополнува само во билетарниците на ЈСП „Скопје“ и трафики. Граѓаните кои ретко го користат јавниот превоз или се од другите градови, а во Скопје доаѓаат по потреба, мора да набават неперсонализирана картичка или да платат со мобилен телефон. Во најнеповолна ситуација се туристите кои не можат да ги користат сегашните опции на јавен провоз, односно не можат да купат карта во автобусите, смета градоначалникот Петре Шилегов.

Цените на превозот во ЈСП за надополнување на картичката скопска остануваат непроменети, односно 35 денари е возење со картичка кога се надополнува како сума, додека 25 денари кога се врши надополнување на 10 возење кои чинат 250 денари.

 

 

 

Добивајте вести на Viber

26.09.2019 - 15:10

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега