Обвинителството работи: Се преземаат мерки за вчерашното дивеење низ Скопје

Во текот на вчерашниот ден додека се славеше Денот на албанското знаме на две места е снимено сквернавење на македонското знаме.

Од Обвинителството велат дека е известен јавниот обвинител и дека се преземаат дејствија за расчистување на настанот.

Од таму додаваат дека со повеќе детали ќе излезат во текот на денот.

Истиот одговор го добивме и од МВР. И од таму велат дека се работи на случајот и дека наскоро ќе има детали за преземените мерки.

Она што може официјално да се добие како информација е тоа дека вчера во МВР имало најава за настан од општина Чаир дека на плоштадот Скендербег ќе има прослава за Денот на албанското знаме.