Обама ѝ оддаде почит на Ангела Меркел: Целиот свет ви должи голема благодарност (ВИДЕО)
Поранешниот американски претседател Барак Обама им се придружи на европските лидери во чест на германската канцеларка во заминување Ангела Меркел заблагодарувајќи ѝ се што е „котва во многуте бури“.
Во видеопораката прикажана на нејзиниот последен самит на ЕУ, Обама рече: „Вашите сакани луѓе и целиот свет ви должат голема благодарност што бевте светилник толку многу години“.
Поранешниот американски претседател особено ја пофали нејзината способност да ги стави принципите над себичните интереси алудирајќи на нејзиниот релативно либерален став за време на големиот бегалски бран во 2015 година.
Тој ѝ се заблагодари на канцеларката за нејзината лојалност кон универзалните вредности што ги усвои како девојка во Источна Германија.
"Thanks to you, the centre has held through many storms." @BarackObama addresses a few words to Chancellor Merkel as we are saying goodbye to her in the European Council #EUCO pic.twitter.com/FIUpCPkloW
— Charles Michel (@eucopresident) October 22, 2021
МАКФАКС
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
