Новинар со жестоки навреди за Ѓоковиќ: Личи на кукла, нема никаков стил, за неколку години никој нема да се сеќава на него

Новинарот од Нов Зеланд, Марк Ризон напиша текст со жестоки навреди за српскиот тенисер Новак Ѓоковиќ.

Новинарот кој и претходно често го критикуваше и омаловажуваше Ѓоковиќ, во најновата колумна се чини ги надмина сите граници…

„Се што има во врска со него е погрешно… Погледнете ја фризурата, личи на кукла како тукушто да пристигнал од војска. Дали нешто менувал во последните десет години? А погледнете му ја гардеробата. Прекарот Ноле некогаш помислувате дека значи дека нема стил (Nostyle). Изгледа како момче кое тргнува во прво одделение“ – почнува Ризон во својата колумна најпрво околу физичкиот изглед на Ѓоковиќ, а потоа се осврнува на неговите емоции…

„Кога го совлада Надал на Австралија опен беше како машина. Тоа беше една од неговите најдобри партии, но во него немаше никаков жар. Ладен впечаток што беше разочарувачко за цела Австралија. Тоа во Австралија не смее да се случи. Тој никогаш нема да биде најдобриот кој ќе го паметат. Сигурен сум дека за пет години никој нема да го памети Ѓоковиќ, затоа што е никој и ништо. Незабележителен“ – пишува новозеландскиот новинар.

Српскиот тенисер утре го почнува својот нов пат на Вимблдон со мечот против Филип Колшрајбер.

 

 

 

Добивајте вести на Viber

02.07.2019 - 11:40

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега