Нов силен земјотрес во Албанија, почувствуван и во Црна Гора
Умерен земјотрес беше почувствуван денеска во 14.27 часот во Албанија и Црна Гора.
Црногорскиот Сеизмолошки оддел го регистрираше епицентарот на земјотресот на 10 километри источно од Подхум (Тузи). Европскиот медитерански сеизмолошки центар наведува дека земјотресот бил со јачина од 4,3 степени.
Епицентарот на земјотресот бил на длабочина од 26 километри.
„ Врз основа на нумеричкиот модел за промена на интензитетот со растојанието во овој регион, јачината на земјотресот и длабочината на хипоцентарот, овој земјотрес не може да предизвика материјална штета во епицентралната област“, соопшти црногорскиот Сеизмолошки оддел.
Епицентарот бил на границата меѓу Црна Гора и Албанија на албанска страна над Скадарското Езеро.
Епицентарот на земјотресот бил и во Албанија, во близина на границата со Црна Гора, 11 километри источно од Подхум.
Макфакс
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
