ФОТО: Македонка фатена на граница во Србија: Шверцувала тестостерон во чизми

Српските цариници на граничниот премин Прешево спречиле обид за шверц на 100 ампули тестостерон, скриен во чизми. Ампулите биле пронајдени при претрес на автобус со македонски регистерски таблички, кој сообраќал на релација Македонија-Швајцарија, пренесува Фактор.

Сите патници во автобусот изјавиле дека немаат што да пријават за царинење, што се потврдило и при претресот на багажот.

Но, кога започнала проверката на рачниот багаж, било утврдено дека една македонска државјанка се обидела да скрие 100 ампули тестостерон во зимски чизми, кои ги носела во рачниот багаж, јавија српските медиуми.