Елена Велевска: Децата ми се најголема радост

Познатата фолк пејачка Елена Велевска неодмана  се врати од турнеја низ Европа и Америка која траеше неколку месеци, сега таа ужива крај брегот на Охридското езеро и тоа заедно со своите три деца. Пејачката за Вечер вели дека децата и се најголема радост и времето поминато со нив и е најдрагоцено.

-"Преку викенд работам, а од понеделник до петок уживам во друштво на моите деца. Пресреќна сум кога сум со нив и навистина ме исполнуваат. Деновиве уживаме на плажа во Охрид, се шетаме и го користиме сонцето и убавото време", вели фолкерката која наскоро заминува на турнеја во Турција.