Неколку работи за парите кои секоја жена би требало да ги знае

Постојат одредени факти за парите кои би требало секоја жена да ги знае.

Контролата над сопствените финансии ќе овозможи полесно реализирање на долгорочните цели, а тоа воедно е и првиот чекор кон нивната реализација. Дали станува збор за купување куќа, автомобил или покренување сопствен бизнис. Со парите треба да се постапува внимателно, а недостигот на пари може да ни го наруши животот.

 

Можеби веќе сте имале проблеми со парите во минатато или пак родителите не ве научиле добро на некои финансиски лекции. Без оглед на се, никогаш не е доцна да ги преземете работите во свои раце и сами да ја доведете во ред сопствената финансиска ситуација.

Во продолжение прочитајте ги работите кои секоја жена би треало да ги знае за парите.

1. Трошете помалку отколку што заработувате

Од сите работи кои жената би морала да ги знае за парите, ова е на врвот на пописот. Никогаш немојте да го потрошите целиот месечен износ кој го заработувате и секогаш обидете се да ставите пари на страна. Живееме во несигурни времиња и никогаш не се знае што животот може да ни донесе. Помалата потрошувачка од заработувачка е тајна која долгороно гледано води кон богатство.

2. Погрижете се за здравствено осигурување

Без здравствено осигурување можно е да дојде до огромни медицински трошоци ако во некој случај би ви требало лекување.

3. Пронајдете финансиски одговорен партнер

Ако напорно работите за да ги средите своите финансиски состојби, немојте да дозволите вашиот партнер да го упропасти целиот ваш труд. Важно е да бидете упатени во моменталната финансиска ситуација на вашиот партнер и неговото финансиско минато. Разговарајте со партнерот за финансиите кои ви се приоритет, целите и како ќе ги постигнете. Ако навистина го сакате вашиот партнер и тој ве сака вас, тогаш би требало да имате заеднички цели кога станува збор за парите.

4. Купувајте мудро

Нема ништо лошо во тоа некогаш да си дозволите да купите нов пар чевли или пак чанта за која веќе долго сонувате. Но важно е паметно да шопингирате и купувате само она што навистина можете да си го дозволите. Со други зборови, немојте да ги трошите парите за станарина или пак својата заштеда за да бидете во чекор со најновите модни трендови. Следете акции и купувајте стока на попуст.

5. Секогаш при купување одете со список

Ако пазарите без список, постои голема веројатност дека ќе купите работи кои воопшто не ви требаат. Што и да купувате, секогаш пред заминување составете го списокот и купувајте само работи од него.

6. Дознајте колку вредите

Општо е познат фактот дека жените главно се послабо платени од нивните машки колеги. Но не можете да барате зголемување на платата ако не знаете која е вашата вистинска вредност. Исто така, морате да ја знаете својата вредност кога одите на интервју за работа затоа што со тоа е посилна вашата преговарачка моќ. Истражите колку изнесува просечна плата со оглед на вашето образование, позиција и искуство.

7. Немојте да се плашите од големи чекори

Ако сте сингл и вашата финансиска ситуација е стабилна и доволно сте заштедиле, немојте да се плашите да преземете поголеми животни чекори како купување куќа, стан или автомобил. Поседување сопствена куќа во денешно време е голем успех па ако тоа можете да си го дозволите, зошто не?

Ако имате свои пари, со нив постапувајте паметно и рационално.

Извор: Економски

03.05.2014 - 13:00

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега