Груевски: Претседателот на државата треба да биде обединувачки фактор

Премиерот Никола Груевски на денешната конвенција на ВМРО-ДПМНЕ на која се избира кандидатот на партијата за претстојните претседателски избори на 13 април, истакна дека на Македонија и треба претседател кој ќе биде обединувачки фактор и достоинствено ќе је претставува државата и граѓаните.

- Нашиот избор е Македонија. Ни треба човек кој по изборот ќе биде обединувачки фактор во земјата и ќе се грижи за интересите на граѓаните без разлика на нивната религија, верска припадност, социјален статус, партиска определеност или образование и достоинствено ќе ја преставува Македонија. Само така ќе биде корисен за државата. Стабилна личност која ќе знае да повлече луди чекори од државен и национален интерес, кој знае да издржи неправди и критики и да остане со здрав разум при носењето на одлуките, им порача Груевски на 1236 делегати кои треба да го изберат кандидатот на ВМРО-ДПМНЕ за шеф на државата.

Делегатите на денешната конвенција избираат меѓу четворицата кандидати кои доставија свои кандидатури до партијата - актуелниот претседател Ѓорге Иванов, универзитетскиот професор Јове Кекеновски, магистерот на науки Божидар Ночев, како и адвокатот и поранешен државен јавен обвинител Ставре Џиков.

01.03.2014 - 13:31

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега