Опасност од поплави по невремето во Хрватска
Силните врнежи, зголемувањето на нивото на реките, затнатите одводни канали и топењето на големото количество снег во Хрватска предизвика поплави во поголемиот дел од земјата.
Загреб и околината се подготвуваат за справување со поплавите. Загрепските локални власти презедоа редовни мерки за заштита од поплави, додека здраствените власти предупредија дека има опасност од загадување на изворите и градскиот водовод.
Реката Купа во планинскиот регион Горски Котар се излеа од коритото и ги поплави локалните патишта. Се очекува да бидат преземени мерки за заштита од поплави по течението на реката Сава.
Во планинските региони во централна Хрватска, Горски Котар и Лика паѓа снег.
Во другите делови на земјата патиштата се влажни и лизгави и има опасност од лизгање на земјиштето.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа