Јанукович изврши кадровски промени во службата за безбедност
Украинскиот претседател Виктор Јанукович, кој се обидува да ги запре уличните антивладини протести, ги смени шефот на контраразузнавачката агенција и високи началници на службата за безбедност во два од западни региона на земјата.
Денеска е соопштено дека е сменет досегашниот шеф на Одделот за контраразузнавање во Службата за безбедност, Васил Холјавицки. Неговата функција ќе ја преземе Володимир Бик.
Сменети се и шефовите на Службата за безбедност во Лвовската и Волинската област, а ослободен од должноста е и шефот на регионалната администрација на Волинската област.
Засега нема објаснувања за причината за смените.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа