Здравствената состојба на Ариел Шарон е „безнадежна“
Здравствената состојба на поранешниот израелски премиер Ариел Шарон, кој веќе осум години е во кома, се влоши во последните неколку часа, а според неговите лекари, таа е „безнадежна“.
Лекарите од медицинскиот центар „Хаим Шиба“ ја дефинираат неговата состојба како крајно критична.
Осумдесет и петгодишниот Ариел Шарон е во кома од 2006 година, откако доживеа мозочен удар.
Израелското воено радио јави дека на „Шарон му се изброени деновите, ако не и часовите“.
Шарон е познат по нападот врз Либан во 1982 година додека беше министер за одбрана, но и како премиер кој ги повлече армијата и доселениците од Појасот Газа во 2005 година.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа