Снег има само на Попова шапка, најстудено е во Берово
Најниска температура од -4 степени утрово во осум часот е измерена во Берово, а -2 степени во Битола, Струмица и Маврови Анови.
Нула степени беше во Скопје Петровец, Крива Паланка, Прилеп, Демир Капија, Попова Шапка, 1 во Тетово, Штип и Гевгелија, 2 во Охрид, Претор, Куманово, Kрушево, Дебар, 3 во Скопје Зајчев Рид и 4 степени во Виница и Дојран. Снег само на Попова Шапка (4 см).
Утрово е претежно сончево, само во Преспанскиот регион и во делови од Пелагонија има значителна ниска облачност или појава на магла.
Времето денеска сончево со мала до умерена облачност и потопло преку денот. Ќе дува слаб до умерен, а попладне долж Повардарието повремено засилен ветер од јужен правец. Максималната температура ќе биде во интервал од 16 до 21 степен.
Во Скопје сончево со мала до умерена облачност и потопло. Ќе дува слаб до умерен, а попладне повремено засилен ветер од југоисточен правец. Максималната температура ќе достигне 20 степени.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа