Пожар беснее во близина на бензинска пумпа во Радишани- интервенираат пет противпожарни екипи
Пожар изби во скопската населба Радишани, веднаш спроти бензинска пумпа, пренесува „Макфакс“.
Запален е објект, околу кој има бујна вегетација, а може да се забележат и стари, хаварисани возила.
Во моментов интервенираат 5 екипи на Противпожарната служба, со помош на граѓани.
Чад од пожарот има низ целата населба, а се стравува дека тој може да се прошири и на околните имоти.
Очевидци велат дека пожарот настанал од искра при сечење железо.
Според информациите од терен, на сто метри од огнот веќе се чувствува неподнослива жештина.
Небото над Радишани е смрачено од огромен облак црн густ чад, а граѓаните во паника ги преместуваат своите возила паркирани во близина на пожарот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
