Исплатени 88,6 милиони денари субвенции на 4.945 сточари со задржани женски јагниња и јариња

На сметките на 4.945 сточари кои имаат задржани женски јагниња и јариња денеска се исплатени субвенции во износ од 88,6 милиони денари, соопшти Агенцијата за финансиска поддршка во земјоделството и руралниот развој.

Станува збор за исплата на средства од мерките 2.8 финансиска поддршка за задржано женско јагне и мерката 2.10 финансиска поддршка за задржано женско јаре по Програма за финансиска поддршка во земјоделството 2019.

На 3.179 сточари кои имаат задржано женско јагне им се исплатени 78.058. 400 денари, а на 1.766 сточари со задржано женско јаре 10.516. 100 денари.

Според директорот на АФПЗРР, Николче Бабовски, со оваа мерка директно се влијае на окрупнување на стадата, како и на зголемување на производство на млеко.

– Праксата за навремена и неселективна исплата на субвенциите продолжува. Парите за земјоделски субвенции се исплаќаат во период кога на земјоделците и на сточарите средствата им се најпотребни, односно, пред почеток на новата реколта или ново рефинансирање на средствата за окрупнување или обнова на стадата, вели во пишана изјава Бабовски. 

 

 

 

Добивајте вести на Viber

13.05.2020 - 10:52

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа