Богдановиќ: Спроведовме акции за затворање и забрана за користење на јавната урбана опрема во Општина Центар
Воведуваме нови мерки за зголемена безбедност на граѓаните и спречување од дополнително ширење на вирусот КОВИД-19, напиша градоначалникот на Општина Центар Саша Богдановиќ.
„Денеска спроведовме акции за затворање и забрана за користење на јавната урбана опрема на територијата на Општина Центар.
Клупите за седење ќе бидат покриени и заштитени, како би се овозможило спречување и користење на урбаната опрема за време на дозволениот час за движење на граѓаните.
Со овие дополнителни мерки кои ги преземаме ќе го спречиме групирањето на повеќе лица на едно место и ќе влијаеме на зголемена безбедност од дополнително ширење на вирусот.
Продолжуваме интензивно и наредните денови.
Оваа мерка ќе биде активна додека траат мерките и препораките од Владата на РСМ“, напиша Богдановиќ на Фејсбук.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа