Поради слаба излезеност нема да има смена на градоначалничката на Варшава
Заради недоволна излезеност на референдумот, обидот за смена на градоначалничката на Варшава, Хана Гронкјевич-Валц, не успеа.
На вчерашниот референдум излегле само 25,7 отсто од запишаните избирачи, а потребно е 29 отсто.
Референдумот се организираше на иницијатива на опозициската националистичка партија Право и правда и други опозициски организации, кои го собраа потребниот број потписи за негово распишување, а според извештаите на медиумите повеќе од 90 отсто од излезените избирачи гласале за смена.
Гронкјевич-Валц е членка на владеачката Граѓанска платформа, и ќе остане на функцијата најрано до планираното оддржување на редовните локални избори, следната есен, на кои веќе најави учество.
14.10.2013 - 16:03