СДСМ: Се грижиме за граѓаните, а ВМРО-ДПМНЕ шири лажни вести и тоне во безидејност

За разлика од ВМРО-ДПМНЕ која парите ги трошеше на споменици и барокни фасади од стиропор, СДСМ обезбедува средства за подобрување животниот стандард на граѓаните и за подобрување на условите за работа во јавниот сектор, велат од СДСМ преку соопштениекако реакција на соопштението од ВМРО-ДПМНЕ.

„СДСМ го зголеми буџетот за одбраната за 15 насто, платите на вработените во одбраната се зголемени за 10 насто и целосно се исплаќаат 24 часовните дежурства, а за припадниците на АРМ се обезбедени 7.200 пара чизми.

Ги зголемивме платите на сите вработени во Министерството за внатрешни работи, а се обновуваат полициските униформи и опремата.

Комплетни униформи веќе добија Единицата за специјални задачи, потоа воздухопловниот персонал, како и Одделот за обезбедување на личности и објекти, а во тек е комплетирање на униформите за Единицата за брзо распоредување и Посебната единица за поддршка.

Со средства од буџетот на МВР се санирани и реновирани повеќе од 33 објекти.

ВМРО ДПМНЕ шири лажни вести, а СДСМ ги покачи платите на вработените во јавниот сектор за 5 насто, обезбеди финансиска поддршка за 12 илјади стечајци, ја зголеми минималната и просечната плата, неселективно ги исплаќа субвенциите за земјоделците“ се вели во соопштението.

 

 

 

Добивајте вести на Viber

03.10.2019 - 12:08

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега